معايده

السلام عليكم ورحمة الله وكل عام وانتم بخير وعساكم من عواده وروده ومن المقبولين برحمة الله وفضله
(عودكم)

ليلة عيد ولساحه رواسي جذبني شوق=وحبيت قبل الناس اجيهم واعايدهم
عسااهم بخير وكل عامٍ علمهم فوق=يبشر بخير وعز منطوق رايدهم
يمتازون باخلاقٍ رفيعه واداب وذوق=عالي مستواه/ والسماحه عوايدهم
هجوسي نشابه من تتقت رعد وبروق=يخايل سحابه من ضوا البرق نايدهم
على ملهمي تاج القصايد ضرب له طوق=معه حق ليل العيد انا به مواعدهم
لعل السعي مشكور مستتبعٍ بوفوق=والابرار والاملاك تحضر موايدهم
اعوام مديده ما تكدر ولا مخلوق= وعيد الفطر في كل عام يعاودهم
كلام ارتجالي بس ما مارده مطروق=سجلته بدافع رغبتي لجل اعايدهم

آســ ت ــاذ الــ ح ــب ,عايض العتيبي ,محمد الغنامي و 3 آخرون معجبون بهذا

الملكة ,ريوف ,الطير حوران

ياهلا والله يابو عبيد
عيدك مبارك وعساك من عايد العيد واليوم السعيد
وتقبل الله منا ومنكم صالح الاعمال
صح الله لسانك على هالمعايده الفاخره
دمت ودام ابداعك ومداد قلمك
تقديري لسموك
النجلاء

صح لسانك حتى ترضى.

عيدكم مبارك وعساكم من عواده

هلا وغلا
كل عام وانت بخير وصحه وسلامه
وصح لسانك يابو عبيد
الصراحه اشتقنا لك ولقصايدك
الله يحييك ولا يهينك
دمت بخير

يامرحبا الف..يالهواوي
وصح لسانك ملاااايين
وعساك من عواده العام وكل عام
بصحة وسلامة
آمييين
تحياااتي لسموك
ريوف

صح لسانك يالهواوي لاهنت
كل عام وانت واعضاء رواسي بخير
اعاده الله على المسلمين باليُمْنِ والبركات

ريوف معجب بهذا

صح لسسانك ي ابوعبيد
وكل عام وانت بخيرر

عيدك مبارك وكل عام والجميع بخير
صح لسانك ولا هنت ناصر
يعطيك العافية