دقه بنجر يسمعه كل مشتاق... راع الهوى يطرب الى دق

دقه بنجر يسمعه كل مشتاق... راع الهوى يطرب الى دق القهوة اللي كيفها يعدل الرآس ..} مدخل ..} القهوة اللي كيفهآ يعدل الرآس وفنجآلهأ يروي كبآر الهقآوي بين مآخآلطه مسمآر الآوجآس وآلهيل فيهآ تزوده آلنخآوي تشتهر جزيرة العرب بقهوتها العربية والمتميزة بنكهتها الخاصة وتقدم القهوة للضيف بعد ان تحمس وتدق بالنجر أمامه إما قي بيوت الشعر لمن كان يسكن البادية او في مجالس البيوت الطينية لمن كان يسكن الحاضرة . ,, وهنا نشاهد مسميات الأدوات المستعملة لإعداد القهوة العربية وطريقة إعدادها تتم كالتالي .. أولاً حمس القهوة بالمحماسة على جمر الأرطى أو جمر الغضاء بأن توضع القهوة داخل المحماسة وتحرك بيد المحماسة حتى تصل للون المطلوب . ثانياً تفرغ القهوة من المحماسة للمبرادة وهي أداة من الخشب توضع فيها القهوة لتبرد قبل أن توضع بالنجر . ثالثاً بعد أن تبرد القهوة تفرغ بالنجر لتدق حتى تصبح جاهزة لوضعها بالمطباخة . رابعاً المطباخة وهي دله كبيرة وحالياً استعاض بعض الناس عنها بقمقم من المعدن يوضع فيه الماء ويجعل على الجمر حتى يغلي وبعد ذلك توضع فيه القهوة لتغلي على الجمر . خامساً المصفاية وهي دله أصغر من المطباخة كانت موجوده فيما مضى وقد إنقرض إستخدامها الآن وهي تصفى فيها القهوة من المطباخة إليها ومن ثم للمبهارة . سادساً المبهارة ، وهي دلة صغيرة الحجم ليستطيع المعزب ( المقهوي ) أن يحملها ليصب قهوة للضيوف دون أن يتعب من حملها وسميت المبهاره لأنه يوضع فيها الهيل والزعفران ومن ثم يصب من المصفاة أو من المطباخه إليها ومن ثم توضع على الجمر حتى يطبخ فيها الهيل مع القهوة . ثم تصب القهوة وتشربونها بالهناء والعافية ، ولا تنسون معها القدوع من التميرات اللي يحبها قلوبكم من حلوة حائل الرميثية والمجرشة أو من السكري المكنوز أو من رطب المدينة المنورة وأحلاه الروثانة . ،،،،،،،، وأترككم مع أشهر قصيده عن القهوة للشاعر/ دغيم الضلماوي :::::: ياكليب شب النار ياكليب شبه عليك شبة والحطب لك يجابي وعلي أنا ياكليب هيله وحبه وعليك تقليط الدلال العذابي وادغث لها ياكليب من سمر جبه وشبة الي منه غفى كل هابي باغي ليا شبيتها ثم قبة تجلب لنا ربعا سراة غيابي بنسريةً ياكليب صلفا مهبه لاهب نسناسه تقل سم دابي سراة بليل وناطحين مهبه متكنفين وشوقهم بالعذابي الوالمة ياكليب عجل بصبه والرزق عند اللي ينشى السحابي صبة لقرما صرفته ماحسبه يوم البخيل مكنهب الوجة هابي وصبة لمنعورين ليا جاة نبة يرخص بعمره والدخل لها ضبابي وعدة عن اللي مايداري المسبه اللي يدور بالقصير الغيابي عن الطيب عده نازلا له بغبه يضرب علي درب الخطا مايهابي لا باطن الهلباج خطوا الجلبة يا حلو خبط عصيهم بالركابي أطمر لهم وأبدي سلام المحبه لا جو على هجناً يديهم خرابي سلام أخلى من شخاليل جبه وأحلى من السمن الجديد العرابي مع كبشً مصلاح راسه نجبه لا أدبر الهين متين العلابي خطو الولد يوم الملاقي نكبه يأتي علينا من حساب الزهابي وحتى ايش لو يلبس وبينن وجبه معيرة على غضير الشبابي أنا لقيت الصبر يازين غبه يرقيك رؤوس مشمرخات الهضابي من لاصبر ياكليب في حكم ربه هذاك يوم البعث ماله ثوابي يقولها اللي ما حسب المسبه ولا عرقل الاجواد ببعض الهلابي هذا هوى بالي وهذا مطبه من قبل مايسفح علينا الترابي ,, وهذه قصيده في وصف إعداد القهوه للقاضي / محمد العبدالله :::::: يامل قلب كلما التم بالأشواق.... من عام الأول به دواكيك وخفوق كنه مع الدلال يجلب بالاسواق.... وعايم عند إمعزل الوسط ماسوق يجاهد جنود في سواهيج الاطراق..... ويكشف له اسرار كتمها بصندوق لا عن له تذكار الاحباب واشتاق..... باله وطاف بخاطره طاري الشوق دنيت له من غالي البن مالاق... بالكف ناقيها عن العذف منسوق إحمس ثلاث يانديمي على ساق... ريحه على جمر الغضى يفضح السوق وإياك والنيه وبالك والإحراق... واحذر تصير بحمسة البن مطفوق إلى اصفر لونه ثم بشت بالأعراق... أصفر كما الياقوت يطرب له الموق وعطت بريج فاخر فاضح فاق.. ريحه كما العنبر بالأنفاس منشوق دقه بنجر يسمعه كل مشتاق... راع الهوى يطرب الى دق بخفوق لقم بدلة مولع كنها ساق... مصبوبة مربوبة تقل غرنوق خله تفوح وراعي الكيف يشتاق... إلى طفح له جوهر صح له ذوق أصفر قموره كالزمرد بالأشعاق... وكبارها طافح كما صافي الموق زله على وضحى بها خمسة ارناق... هيل ومسمار بالأسباب مسحوق مع زعفران والشمطري إلى انساق.. والعنبر الغالي على الطاق مطبوق فليا اجتمع هذا وهذا بتيفاق صبه كفيت العوق عن كل مخلوق بفنجان صين زاهي عن الارماق يغضي بكرسيه كما اغضاه غرنوق الى انطلق من ثعبته تقل شبراق او دم قلب وانمزع منه معلوق... {.. مخرج ياعاملين البن وسط التراميس لاتقطعونه من حشا مرضعاته ردوه لأمهات الخشوم المقابيس صفر الدلال إللي عليها حلات ماعاد شفنا البن وسط المحاميس يحمس وصوت النجر طول سكاته

محمد الغنامي ,ملكة الرواسي معجبون بهذا

مهوره
يعطيك العافيه ع الموضوع الاكثر من رائع
انتقاء جميل كما عهدناك
شاكره لك وجودك ومجهودك
تقديري لسموك
النجلاء

خيال مطير معجب بهذا

ياكليب شب النار ياكليب شبه
عليك شبة والحطب لك يجابي
وعلي أنا ياكليب هيله وحبه
وعليك تقليط الدلال العذابي



يعطيكِ العافيه
يالمهرهـ
راق لي طرحك
احترامي لسموك ~

جميل ومتميز طرحك
يعطيك العافية قلبووووو

خيال مطير معجب بهذا

المهره الاصيله
سلمت يداك ودام عطاك
حضور جميل وطرحح اجمل
سجلي مروري وتقديري
لاهنتي

خيال مطير معجب بهذا

موضوع اكثر من رآئع

وقصآئد جميله عن الكيف والقهوه

يعطيك العآفيه مهووره

وتسلم يمينك على النقل المميز

ودمتي مبدعه

خيال مطير معجب بهذا

تنشيط ؟

تسلمون على المرور الراقي
ربي يسعدكم
تقديري لكم