عـز الله انـي تعـبـت وطـال مشــواري

عـز الله انـي تعـبـت وطـال مشــواري=مع سـكّة امال غــي العــشـق وبنـوده
انسج خيوط الاماني وانضم اشـعاري=مسحـوب طاروقـها واحـيان تـغـروده
واجيد لحـن الهجـيني وابـدي افـكاري=من مصنعٍ مـصدره عـلامـة الـجـوده
لصار اعـيوج ايميـن ولـينه ايسـاري=محلا هـبـوب الشـمال ولسـعـة بـروده
وقتٍ مضا سجّة اقـدامي على الطاري=والقلب شـوف الفـيافي ساس مقـصوده
واليوم لوقـلت لك عـن خـافي اسراري=ابعـد مـشـاويـر رجـلي حـي جــلـموده
ضاقت افجوج الوسيعه قـبـل مسيـاري=والوقـت عـقـب الوناسه كـثرة الـهـوده
صابرعـلى ماجـرالي واطلـب البـاري=يامر سحـاب الوسامي ترزم ارعـوده
لمعة ابروقـه ســناهـا يجـذب السّـاري=مع خــط بيـن الامعـيـزيـله وسـامـوده

التوقيع مساعد الجليدي

ادارة شبكة رواسي نجد

عز الله انك صدقت
ونا خويك على الطاروق والخوه

صح لسااانك والله اني قد رحت مير ردني النصيب وبيوتك
سجل اعجاااابي ياجزل

الله الله

صح لسانك ودام نبض قلبكـ

جزله وجزله وجزله من محيط للجزاله

سجل اعجابي وتقديري

الغنامي

انسج خيوط الامانـي وانضـم اشعـاري
مسـحـوب طاروقـهـا واحـيـان تـغــروده
واجيـد لحـن الهجينـي وابـدي افكـاري
مــن مصـنـعٍ مـصـدره عـلامـة الـجـوده


الله الله
صح الله لسانك يامساعد
ابدعت وامتعت ولاهي غريبه على شاعرنا هذه الجمال والحضور الفاخر
لاحرمنا المولى ابداعك ورقي حرفك ومشاعرك العذبه
تقديري وتقييمي لسموك
النجلاء

صح لسانكـ و أعتلاء شأنكـ ..

تقديري لكـ ..

صح السانك ابيات جميلة ومعبره جاءت في قالب شعري رائع
ونفس شعري جميل تخللها لوعه جميلة عسى الله يجيب الخير دام نبضك
اجمل تحية

صح لسانك واعتلى شانك

عسى الله يجيب الامطار والخير وتربعون بالشمال ونربع بنجد :)

ويربعون اهل الشرقيه .. مساكين ماشافوا المطر من 3 سنوات ..

امّا اهل الجنوب ماشاء الله عليهم هالسنه .. كل يوم عليهم مطر

دمت بود وتقدير

صح لسانك شاعرنا
قصيده تعانق ابواب السماء بجمالها وروعتها
دمت بخير وسعاده دائمه