&&& اصبر لعلاّ &&&

هجوس الليل يوم الليـل ولا = علام السهر في موقي تجـلا
اساهر ساري النجم وسرى بي = و أبي غفوة وقال الفكر كـلا
وبقيت الليل لين الصبح واعي = و أمد الشوف في الطيف اتحلا
تحليته و أنـا عينـي بعينـه = ونشدته ليه قال اصبـر لعـلا
الا يا وين أنا والصبر وينـه = ما دام انـه بمنطوقـه تغـلا
صوابه يا ملا ما اصعب علاجه = ولا ضنيتـه بجرحـي تـسـلا
و إذا أنـه بيّـت النيّـه وداري = فلا ابيحه بمـا سـوى بـي إلا
إذا عالج صواب العشق وصلـه = و إذا إنه عن صويبه ما تخـلا
أنا من قبل زاهد عـن هواهـن = ولا ادري كيف جاني واستحـلا
مثل ما احتل بوش أرض الخلافه = وعن التحريـر عيـا وإيتعـلا
شبيهـه بإحتـلالـه للحنـايـا = وليفٌ في الضمايـر لـه محـلا
وعقب ما احتل صدري شال قلبي = وعيا القلـب مـن قربـه يمـلا

فارس الكلمات ,المزني ,آســ ت ــاذ الــ ح ــب و 3 آخرون معجبون بهذا

ريوف ,الملكة ,الريم

صح الله لساانك وسلم بناانك ياكديميس
قصيده مفعمه بالجزاله والابداع
نص تشكر عليه واهنئك على هذا النص المتميز
لك ودي وتقديري

الله الله
كديميس السيحاني
صح صح لساانك لين ترضى
نص فاخر وفخم لا ابعد الحدود
كما تعودنا من شاعرنا الفخامه والجزاله
سجل اعجابي وتقديري المتواضع
يسبقه ختم التميز والاعجاب

الملكة معجب بهذا

الله الله
ياسلام عليك وصح الله لسانك ملايين
كايفه ونايفه وجزله من شاعر مبدع ومحترف
وشهادتي فيك مجروحه الى الابد
دمت ودام مداد قلمك ورقي حرفك الشامخ
تقديري وتقييمي لسموك
النجلاء

الملكة معجب بهذا

صح لسانك وسلم منطوقك شاعر مبدع وجزل
استمتعت بتواجدي بمتصفحك
دمت بخير وسعاده دائمه

مبدع ي كديميس

صح لسانك حتى ترضى

صح السانك وعتلا شانك

تقبل مروري

قصيده رااائعه
صح لسانك ياكديميس
تقبل مروري وتحياتي