الشاعر عايض العتيبي ضيفنا في قوافينا الشعريه

ضيافة قوافيَناالشعريه ) .. مسـآء الشعر.. وَ أعذب القصيد .. احاسيس دافئـه تجبرنا على الاصغاء تزخر بكثير من عذوبه لتحاكي مشاعرنا ولنعيش طقوسها بتفاصيلها وتناقضاتها لنبحر معها حد الغرق احاسيس يترجمها نبض قصيـــدة..!! من هنا وفي كل مرهـ سنكون في ضيافـة عضو سنبحر معه لننتشي عذب المشاعر وأروعــهآ ونستمتع بعذب ذائقته الشعريـة ليقوم بدورهـ وبعد انتهائه باختيار عضو اخر يكمل رحلتنا تلك و يمتعنا بروعـة اجاباته على الاسئلـة التاليه.. 1- متى كانت بدايتك الشعريه ؟!! 2- ماهي علاقتك بالشعر ؟!! 3- من هو شاعرك المفضل ؟!! 4 _ ماذا يعني لك شعر الغزل ؟!! 5- قصيده تهديها لشخص معين ؟ !! 6 - هل لديك اجواء معينه لكتابة القصيده ؟ !! 7 - هل قصائدك من الواقع أم من وحي الخيال ؟ !! 8 - هل شاعريتك وراثه آم انها موهبه ؟ !! 555555555555555ق5 9- اعضاء في رواسي نجد تثق في ذائقتهم الشعرية ؟!! 10- بيت شعر يحضرك دائما ؟!! 11- قصيده تعدها من اروع القصائـد بالنسبه لك ؟!! 12- قصيده تتمنى لو كنت اللي كاتبها ؟!! 13- قصيده اثرت عليك في مضمونها ومنهو شاعرها ؟!! 14 - امتعنا بقصيدة على ذوقك ؟!! - لك مساحه بلآ حدود وحرية بلا قيود وَ أخيراً .. من تريد أن يكون ضيفاً في قوآفينا ؟ اتمنى ان ينال اعجابكم المهره الاصيله

المهره الاصيله
لاهنتي على الاختيار الموفق
عايض العتيبي ابو جزاء
بيكون ضيف جميل لابعد الحدود
ننتظر ضيفنا الغالي على احر من الجمر
سأكون من المتابعين اول بأول

يعطيك العافيه مهوره
وفي انتضار ضيفنا العزيز اكيد بيكون لقاء مميز

يعطيك العافيه مهووره

وبانتظار مستشارنا وشاعرنا القدير

عايض العتيبي

1- متى كانت بدايتك الشعريه ؟!!
ج1 / انا بدأت اكتب الشعر منذو كنت طالب فالمرحله المتوسطه
بس بدايتي الحقيقيه اعتبرها من العام 1410 هـ

2- ماهي علاقتك بالشعر ؟!!
ج2 / علاقتي بالشعر كعلاقة اي شاعر .تبدا بالهوايه
والتذوق وتنتهي بكتابته ومن ثم التنفس من خلاله .والترويح عن النفس
3- من هو شاعرك المفضل ؟!!
ج3 / والله كثير الشعراء اللي دائما احرص على متابعتهم
منهم على سبيل المثال لا الحصر
عبدالله بن عون / رشيد لزلامي / عبدالله بن زويبن الحربي / سلطان الهاجري
وغيرهم الكثير لايتسع المجال لذكرهم .مع اني متابع للشعر الجزل وانظر للقصيده
من حيث جزالتها وليس من اسم شاعرها ولاكن الأسماء اللي ذكرت
معروف انهم من شعراء القمه وقصايدهم قمه فالروعه والحمال

4 _ ماذا يعني لك شعر الغزل ؟!!
ج4 / شعر الغزل بالنسبه لي مثله مثل اي باب من ابواب الشعر اجد نفسي فيه
مثل ما اجدها في مواضيع الشعر الاخرى :كالمدح /والهجاء /والقصائد الاجتماعيه
/والوطنيات / والمساجلات / ما ارى انه يختلف عنها في شيء

5- قصيده تهديها لشخص معين ؟ !!
ج5 / كل واحد من الاعضاء ودي اهديه قصيده
علشان كذا اهديها لجميع اعضاء رواسي نجد

لي عشيرٍ كن نور القمر لون نحره = مع جماله فيه نورٍ مهوب مع الحريم
عود موزٍ لأنهزع مال بالغصن ثمره = ايتعطّف راوي العود لاهب النسيم
فيه عذروبٍ اليا اقفى ولقاك ظهره = كاسياته واحداتٍ مثل ريش الظليم
أثر مايبحث خفا الرجل ويجيب خبره = غير حب صغيرٍ فالهوى توه غشيم
شدّ قلبي لارحم بالمحبه ووسره = وسر عود بعود بالقد وضبابة يديم
كل ما قلت إدر بالحال زوّد بقشره = يالله لاتذكره بالخير مني ياكريم

عايض العتيبي

6 - هل لديك اجواء معينه لكتابة القصيده ؟ !!
ج6 / لا ليس لدي اجواء معينه لكتابة القصيده
فالقصيده تجي في اي وقت بدون استئذان
وتفرض نفسها على الشاعر فالوقت هي تريده .وليس اللي يريده هو

7 - هل قصائدك من الواقع أم من وحي الخيال ؟ !!
ج7 / 90 % منها من الواقع

8 - هل شاعريتك وراثه آم انها موهبه ؟ !!
ج8/ لا .موهبه ليس فالعائله شاعر

9- اعضاء في رواسي نجد تثق في ذائقتهم الشعرية ؟!!
ج9 / جميعهم اثق في ذائقتم الشعريه

10- بيت شعر يحضرك دائما ؟!!
ج10 / الحقيقه هي ابيات كثيره و ليست بيت فقط
على سبيل المثال بيتين للشاعر / عبد الرحمن العطاوي .. يقول فيها

انكان لا جيتك تجي جيت يمّك = وانكان اجيك ولا تجي رحت ما اجيك
ماني بخوك أصغر ضنا ابوك وأمك = رجلٍ على ما طالني منك اجازيك

11- قصيده تعدها من اروع القصائـد بالنسبه لك ؟!!
ج11 / مافهمت السؤال هل تقصدين من قصائدي . ام من قصايد الآخرين
ان كنتي تقصدين قصائدي مافيه قصيده معينه كل قصائدي عندي سواء
وان كنتي تقصدين من قصائد الآخرين فهناك قصائد كثيره وليست واحده فقط

12- قصيده تتمنى لو كنت اللي كاتبها ؟!!
ج12 / هههههه قصايد كثيره اتمنى لو انا كاتبها

13- قصيده اثرت عليك في مضمونها ومنهو شاعرها ؟!!
قصيده لاحد الاخوان كان معنا على شبكة الطائف ايام اجهزة النداء الاسلكي
(الكنود ) وكان نداه على الشبكه ( الشامخ )
وانا اعتبرها من اقوى القصائد اللي مرت عليه

14 - امتعنا بقصيدة على ذوقك ؟!!
ج14 /

بنت ياللي زوجوك القحاطيني = كن مالك ربع وعيال عمّاني
والله انا ما سفطنا تروحيني = مار فاتت وانتهت ياونياني
بنت عم وغاليه والك حقيني = حق من شانك وحقٍ علشاني
حق يبارك لك وحقٍ تعزيني = جامعتها كلها افراح واحزاني
صلفقوك مصلفقين المواعيني = كل ما جاء خاطبٍ راح زعلاني
لازم يعيون والا تعييني = كل واحد منكم يعاند الثاني
الاخو مجنون والعود مسكيني = والعجوز تراعي فلان وفلاني
لوّنْ اللي والٍ امرك رشيديني = كان هالحينه معك سرب ورعاني

عايض العتيبي


- لك مساحه بلآ حدود وحرية بلا قيود
ابيات ختاميه

ويلي على شوف خلٍ ياسراحاني = عشرين عام وغلاه منشفٍ دمي
عشرين عامٍ وحب الزين يشعاني=غدا عليّه لك الله هم مع همي
حبي لخلي وانا وياه ورعاني=وهوه صغيرٍ نهيده ما بعد زمي
كنيت حبه على الأقصين و الداني=م أبا النظر يلفت يمه ولا يمي
وطلبت يدها لاكن الحظ تعباني= بغيت اعمّر فرح قلبي ولا تمي

عايض العتيبي

وأخيرا اشكرك اختي / المهره على الاستضافه .وآمل ان اكون قد وفقت
في فالاجابه على جميع الاسئله بالشكل الصحيح اللذي يرضيكم عنا
وان اكون ضيف خفيف الظل على قراء رواسيء الكرام

وَ أخيراً .. من تريد أن يكون ضيفاً في قوآفينا ؟
محمد الغنامي

الله يعطيكم العافية منور ضيفنااااا

بيض الله وجهك يابو جزاء

أددييت واووفيت ,
احترامي يالغالي ..

الله الله ي عايض ابيات وردود راااائعه ~
ودي وتقديري لك ~
وتسلمين ي مهوره على هالاستضافه الراقيه ~
ودي وتقديري لابداعك يالغلا ~