مدوّنة: نديم القوافي / محمد العواد

صباح الشعر والاحساس
الله الله ابداع وجزاله
صح لسانك يامحمد
راق لي الكثير هنا
كنت هنا

محمد العواد معجب بهذا

محمد العواد معجب بهذا

المهرة - الملكه
عم السرور بشرف الحضور

بلغت في بحر الشعر عمق الابداع
باتقان فارق ، وامتياز ، وبراعه

وتلّيت قلبٍ جاك من حدب الاضلاع
يشكي تمادي حضرتك بالقطاعه

قلبٍ مشَرَّع في غيابك لـ الاوجاع
على مدار اربع وعشرين ساعه

وعندي أمل ما دام الاحساس ما ضاع
نحيي بشرع الحب دور الجماعه

نرجع سوا ونعيد ترتيب الاوضاع
ونزرع بساتين الأماني زراعه


#محمدالعواد

احبك كثر ما تهمل شعوري واعشقك واهواك
كثر ما حبك يسبب على ارض الواقع جنوني


احبك كثر ما ارجيك بحياتي وانتظر لقياك
وكثر ما شوقي لشوفة عيونك يسهر عيوني


احبك كثر ما ازعلت العذارى كلها لرضاك
وكثر ناسٍ على اللي بيني وبينك يحسدوني


أحبك كثر ما اعتادت على مسك القلم يمناك
وكثر ما تسقي بوابل فنونك روضة فنوني


انا دنياي ماتسوى بدونك شي وانا لولاك
تضيق ارضي ويظلم كوكبي واستاحش بكوني


واذا تبغى من الاخر احبك كثر ما اتمناك
فداك اللي تمنوني بهالدنيا وحبوني


#محمدالعواد

يا ناس دام الله فرق خلقه اجناس


هضم المكانه فيه غبن و إهانه


لا تنـزّلون الناس في منزلة ناس


تكفون حطو كل شخص بمكانه


#محمدالعواد

محبتك سادت معاي من الوريد الى الوريد
ما هي على حد اعتبارك في حدود القافيه

والمشكله انك معاي بكل حالاتك عنيد
اقلط على مجلس قساك ونار عطفك طافيه

كنت احسب اني في غرامك صاحب الحظ السعيد
واثرني مبلي اسأل الله العفو و العافيه

#محمدالعواد

أحبك كثر ما فتنة جمالك تلفت الانظار

وكثر ماني متعلق فيك ومعلق بك امالي


أحبك كثر ما اكتب بك غزل في ساحة الشعّـار

وكثر ما روّق بشوفك وضاق بغيبتك بالي


#محمدالعواد