باقي على إقلاعك يجي ست ساعات .....وفي طاري (الستة) تذكرت لي بيت

جبت الغنايم من بعد طول غيبات
وإلا على جنازة الحب صليت !! ؟

حتى لو إن العشق ياصاحبي مات
تبقى الصداقة رمز ,, حتى لو أقفيت

باقي على إقلاعك يجي ست ساعات
وفي طاري (الستة) تذكرت لي بيت

بالأمس أشوفك بالسنة ست مرات
واليوم ست سنين مرن ولاجيت

بسكات كنت أغليك وأهجرك بسكات
وياللأسف بسكات عني تخليت

لو ضيقة أبن فطيس تاتيه حزات
آنا معايشها إذا أصبحت وأمسيت

ولو الفرح يشبه مدن أو عمارات
والله ماأملك سوى زاوية بيت

ولو الزمن مابه خيانه وآهات
ماكان شفت أحلامنا بالتوابيت

ولو العقارب مالها صوت (( دقــات))
ماكان نحسب شوقنا .. بأي توقيت !



أدري وداعك صعب لكن هالأبيات
تكفي إذا إنك بعد هالقرب صديت

سافر فمان الله ,, وإنسى الذي فات
آسف حبيبي كان في حقك أخطيت

عمرك سمعت بحي يحسب مع أموات !! ؟
هذا أنا.. من عقبكم كنني ميت
..
..
قال أنا بطوي جميع المسافات
وكل القصيدة ذي رديتها (إ)بيت

من بعد حبك باختصر خمس كلمات
الله ياخذني إذا بيوم حبيت

قصيدة في قمه الرووعه
يعطيك العافيه لاتحرمينا جديدك
تقبلي مروري

اقتباس:

المشاركة الأصلية كتبت بواسطة راقي باخلاقي

قصيدة في قمه الرووعه
يعطيك العافيه لاتحرمينا جديدك
تقبلي مروري

راقــــــــــي بأخلاقي
الروعة مرورك تسلم يالغلا
يعافي قلبك و ورحك يارب اسعدني تواجدك
الف شكر طال عمرك

حتى لو إن العشق ياصاحبي مات
تبقى الصداقة رمز ,, حتى لو أقفيت
كلماات عشتهاوذهبت بي الى المكان الذي لاطالما حااولت تجااهله
دمتي ودامت ذاائقتكـ التي تلمس داخل كل من يقرئها
ردي وودي لرووحكـ غلاتي

انثى بعثرها القدر
تسلمين حبيبتي ع تواجدك وجمال ردك
اسعدني كثير مرورك حبيبتي فلا تبخلي عليا بة
دمتي بالقرب.. لروحك قبائل
الورد التبوكي