لاتعطي سرك امرأة ولا تخاوي أمير

" لاتعطي سرك امرأة ولا تخاوي أمير "


فيه ولد سمع الحكمة هاذي من أبوه فكان يبغى يثبتها..المهم إنه راح وخاوى أمير
في ديرته وصار خويه الروح بالروح..
والأمير مايطيب له المجلس إلا أذا كان هالشاب فيه..صارنديمه بـ اختصار..
الأمير عنده مزرعة نعام وكانت عنده نعامة غالية
راح الولد وأخذ النعمة ودسها في مكان في المزرعة
وراح لسوق الغنم وشرا خروف وذبحه وقطعه وجابه في خيشة آخر الليل لأمه
وقال لها لحم نعامة الأمير يمه..
جايبه لك يالغالية..بس تكفين لاتعلمين أحد..
عشان لو درى أحد بيوصل الكلام للأمير ويقطع رأسي
الأم قالت:ولايهمك ياولدي..مجنونة أنا أفضح سرك واموتك بيدي..؟!
من اليوم الثاني عزمت أمه جارتهم على اللحم..وسألتها وش هذا اللحم الزين يافلانة..؟!
قالت الأم أقولك بس سري في بير..؟!
ردت الجاره سرك في بير ياوخيتي افا عليك..
قالت الأم لجارتها السالفة وحلفتها ماتقول لأحد عشان ماينذبح ولدها
طبعاً الأم يوم علمت الجارة كان قصدها مفاخرة بولدها..
يوم بعد يوم السالفة انتشرت بين الحريم في الديرة
ووصلت للرجال وفي الأخير وصلت للأمير اللي عصب
وطلب من الحرس إنهم يجيبون الولد ويحطونه في السجن لين يجي يوم ويقيمون عليه الحد
الولد طلب من الحارس إنه يروح للأمير ويقول له أن النعامة للحين موجوده في مزرعته
بس خاشها في حوش بعيد عن باقي النعام وإنها بخير..
الأمير طلع الولد واعتذر منه وحاول يعوضه بس الولد رفض وقال أبوي صدق في حكمته
وهاذي بس نعامة أجل لو كانت شيء أكبر من كذا
وش كان بيصير فيني..!!

بعض الحريم ما تقدر تحفظ سر وما ترتاح لين تنشره

بس اكيد مو كل الحريم
النجـــــــــــــــلاء
عجبتني القصــه حيل
سلمت يمينك حبيبتي
ماننحرم من جديدك الرائع
مرور مع تسجيل الاعجاب
ودي لسموك

انا اجزم انه كل الحريم
النجلا ْء يسعد قلبك قصه حقيقيه وهي ايام الشريف كما يقال

قصه حلووووه تسلمي على الاختياااار

بس غيري الاسم بتكون احلى لو صار تبديل من امراة لرجل ..... ههههههه

الف شكر يالغلاااا على الطرح

تقبلي طلتي

لا أنكر حقيقة القصه لكـن هناكـ من تستأمن الأسرار ويمكن أفضل من بعض الرجال ..

ألف شكــر لكـ ع روووعة النقل ..

ودي لكـ ..

اقتباس:

المشاركة الأصلية كتبت بواسطة طيور الجنة

بعض الحريم ما تقدر تحفظ سر وما ترتاح لين تنشره

بس اكيد مو كل الحريم
النجـــــــــــــــلاء
عجبتني القصــه حيل
سلمت يمينك حبيبتي
ماننحرم من جديدك الرائع
مرور مع تسجيل الاعجاب
ودي لسموك

اكيد انه موكل الحريم مايأمنون على الاسرار بالعكس فيه حريم ماشاء الله مستحيل انها تخون السر

لان السر امانه أتومنت عليها ملزوم الواحد يحفظ الامانه ومايخون صاحبه

طيور

شرفتي ونورتي ياقلبي

اسعدني حضورك الراقي والمشرف

تحياتي لك

النجلاء

اقتباس:

المشاركة الأصلية كتبت بواسطة محمد الروقي

انا اجزم انه كل الحريم
النجلا ْء يسعد قلبك قصه حقيقيه وهي ايام الشريف كما يقال

مديرنا الغالي

انا ضدك انه كل الحريم مايحفضون الاسرار

والله فيه حريم انك تأمنه على سرك وتثق فيها اكثر من بعض الرجال

الروقي

شرفت ونورت واسعدني حضورك الراقي

تحياتي لك

النجلاء

قصة جميلة وتحمل حكمة يعطيك العافيه ولا عدمناك
اجمل وارق تحية