قصيده الملك / فهد ابن عبدالعزيز رحمه الله

السلام وعليكم ورحمة الله وبركاته

_

قصيده الملك فهد ابن عبدالعزيز رحمه الله عندما كان مريضا في لندن في شهر شوال من عام 1385هجري
حيث بعثها إلى المرحوم الأمير فهد بن سعد يشكو فيها
قسوة المرض حيث قال :


+_+

يابو سعد صارت على أخوك غارات

شهرين أقاسي من شديد الغرابيل

سو المرض يحمل على أخوك حملات

مافي يدي حيله ولا في يدي حيل

والله فزع من فوق سبع السماوات

وأنا أحمد الله يوم صارت تساهيل

ماينفع الخايف والأيام عجلات

الخوف ماينفع ولا القول والقيل

حنا هل العوجا ولابه مراوات

شرب المصايب مثل شرب الفناجيل

لاشك أنا مشغول في كل الأوقات

على الذي حنـــــــــا بظله رجاجيل

ماني على نفسي كثير الحسافات

لا سلم راسه روسنا رفاع با لحيل

حامي حمانا بالليالي المخيفات

لو صار بالــــــعالم كثير الزلايل

فخر العروبة بالعدل والمساواه

هذاك هو فيصل ولا فيه تشكيل

يشهد له اللي شاهدوا منه ليات

ويشهد له التاريخ جيل بعد جيل

الله يعطيك العافيه على النقل الرائع

ورحم الله الملك فهد وجميع موتى المسلمين

تقبل تحياتي

عل البريكي

يعطيك العافيه على نقل القصيده

ويرحم الملك فهد وسائر اموات المسلمين

ولاعدمنا جديدك اخوي ((علي)) احترامي لك

تقبل مروري

رحم الله خادم الحرمين

وبيض الله وجهك على قلك لنا

دمت ولاهنت