حمد البريدي .. أبيك ,

ابيك بع دنيآك وﻻ ترخص أبيك
ولو يجبرك في شي نفسك متبغاه
كله على خشمي وحاضر ولبيك
مادمت انت وكل مافيك يفداه
ﻻ تكول انا وانا انت وش فيك
هذا ابوك الي من الحك ترعاه
هو الي يتعب لك هو الي مربيك
هو الي يسهر لك ونومه فلا جاه
هو الي يفخر بك هو الي مسميك
هو الي عدك ذخر من هم دنياه
لا تتكبر وعكبه تشك بمباديه
وتغريك نفس السو بالي لا مبالاه
عليك بالي من محبتك يوصيه
ومن كبل كان الناس تشري وصاياه
ﻻسرت في دربك ورجله اتباريك
توخر ليا سار حذرك تعداه
يومك صغير ايسابكك لاجل ايراضيك
ويشلك من الكاع من فوك يمناه
وان جاك صوته لو ع البعد يدعيك
فز بعجل لاتنتضر صوت يثناه
يومك صغير ان كلت يابه يلبيك
والحين جاك الدور وترد لباه
وان الزمك في حاجه اجر ويجيك
اجر من الله من كضى حاجة اباه
يومك صغير ان كلت يابه ابي ذيك
ماردلك خاطر في شي اتمناه
واذا حكى للناس وكف حكاويك
لا تسولف لغيره وﻻ تقطع احكاه يومك صغير اتهذري بكل مافيك
ويضحك لحكيك لو جهل كل معناه
وان جلس ياكل فلا تمد كفيك
كبل يمد ع الاكل يمناه
يومك صغير اتخرب الاكل بيديك
وﻻ زعل منك ولو كنت تملاه
واذا نهاك طيعه والصبر يعفيك
من ضيكه الدنيا وهم المعاناه
يومك صغير اتجيه تبجي ويرضيك
في ذمتك من يسوي سواياه
انشد
انشد
انشد يتيم الاب والرد يغنيك
لا طاحت دموعه عشان طرياه
مايبغي الدنيا وﻻ ذي وﻻ ذيك
وده يشوف ابيه ويحب ماطاه
ان قصرت نفسك ترى عاد يمديك
تغانم الجاي والماضي انساه
ابيك بع دنياك لاترخص ابيك
لو يجبرك في شي نفسك متبغاه
ان كان تبغي جنه الخلد بيديك
يرضى ربك ان حس برضاه
يرضى ربك ان حس برضاه......



__________________________

الجووهره ,محمد الغنامي ,شيخـــة الغــيــد و 1 آخرون معجبون بهذا

ملكة الرواسي

صح لسااااانه
الله يرحمك يابوي دموعي نزلت والله
روووووووووووووووووعه خيال
لاهت على نقلك

/

انشد يتيم الاب والرد يغنيك
لا طاحت دموعه عشان طرياه
مايبغي الدنيا وﻻ ذي وﻻ ذيك
وده يشوف ابيه ويحب ماطاه

/

موجعــــــــــــــــه حد الألـــــــــم

رحمك الله يا أبي وجمعني بك في الفردوس الاعلى

اختيار رائع رغم الأنين والتوجع بين اسطرها

لاهنت خياال

فعلا تستحق النقل والاعجاب


خيال مطير
سلمت ولاهنت
نقل جميل وحضور اجمل
سجل اعجابي وتقديري
لاهنت

مشـــــــــــــــكورينـ

ع


المرور

لاخلى ولاعـــــــــــــــدمم ..

خيال مطير
سلمت ولاهنت
نقل جميل وحضور اجمل

راااائعه. وألييمه
صح لسان الشاعر المبدع حمد البريدي

ويعطيك العافيه خيال على الاختيار والنقل المميز

مشكورين ~