( شمر هل الطولات وابليس ملعـون=والشاهد الله والعبـي يـا حمامـة )
بيت ٍ وغنيتـه مـع اللـي يغنّـون=وحطيتـه بـراس القصيـدة علامـه
شمّر هل الطـولات يعنـي يطولـون=اعـلا بـروج المرجلـة والزعامـة
شمّر وبهجة خاطري يـوم يطـرون=وبشاشة بيـوت القصيـد ووسامـه
شمّر طنا..نخوة..شجاعة..كرم..عون=شمّر رحابة صدر .. شمّر شهامـة
شمّر كبار صحون .. وسّاعة طعون=اهل العطايـا .. محتميـن الجهامـة
يوم الكـرم فيـه القبايـل يمـارون=شمّر هـم ملوكـه وذروة سنامـة
كن الكرم بأسم السناعيس مقـرون=لا قال من شمّـر ذكـرت الكرامـة
سمعت يوم الجوع مبطي .. يقولـون=طعام جار الشمـري مـن طعامـه
ويوم الغزو والوضع ماهوب هاللون=اكبر غنايـم مـن غـزوه السلامـة
قوم ٍ لهم بالمجد اساسـات وركـون=من خلقـت الدنيـا ليـوم القيامـة
والله وسبـع انعـام لـو مايكفّـون=خطوا الزّحـول معادييـن الرخامـة
احبهم في ذمتـي " حـب مجنـون="والله يلعن مـن كـذب فـي كلامـه
ياطير خـذ هـذي لحايـل وممنـون=مع خافق الشاعر وغالـي سلامـه
قل قالها من قلب وابليـس ملعـون=مدح ٍ بشمّـر .. والعبـي ياحمامـة