الايابعد كل المراسيل يالجوال=يوم انك تجيب اخبار بالصوت والصوره
ليا ابطا غياب اللي نوده وصمته طال=ومن غيبته قلب العنا شانت اوموره
منك ارسلت نغمه دندنت عندهم بالحال=وعرفنا ظروفه دون كلفه ولادُوره
ولا يابعد من خدها لاح فيه الخال=يامن لا نناديها سميه ولانوره
ميزان التواصل من طرفكم علامه مال=حباله بلت لو كان ماهي بمبتوره
قري كفته واستبدلي بالحبال حبال=روفي في عيونن في مشاهدك ماسوره
شهر الصوم راح ابلا لقا وتبعه شوال=ولا اظنك على الجفوا بلا ذنب مجبور

شعتني بيوتٍ وقعها كنه الزلزال=على روح من روحه من البعد مذعوره
تغنا بها قرمٍ من البعد حاله حال=همومه تشوته لا غفل شوتت الكوره
ليا دق جمسه سلف لـ انه على التمثال=عسى لايمه مايهتني ف اي معموره
هذا اللي صطى في قلبه الحب دون جدال=وغرق وسط غبات البحر فوق بابوره
وألا واهنيك كيف تصبر شهر وهلال=على بعدها والدار حذفه ومخبوره
انا والله اني لا فقدته ثلاث ليال=تضيق الوسيعه والفكر يفقد شعوره
على شانه ارخص يالهواوي عمر وريال=وابرك له بعير الشواوي على زوره
حسين الوصايف عينه اوسع من الفنجال=وله غرةٍ من فوق الاوجان منثوره
رموشه سهامٍ مايقاوم لها رجال=ونواعس عيونه كنها عيون مخموره
على العهد باقي يالهواوي معي لازال=وانا حالف اني لا احفظ العهد مابوره

بعد جيت اقيِّل واتريح على ماقال=سمعت الصدى اللي بالفخامه عدا طوره
عاف النوم جفني ولقوافي محمد مال=اذني لازمت صوته وهو تابع سطوره
بيوته نوادر نضم جزل ويجيب جزال=على رفع ضغط الدم ضميا وماموره
وجه لي قذايف لو على اقسا جبل ينهال=يجي رمل للتلييس لادكت صخوره
ما ادري ليه يرسلها على خافقٍ مازال=تجاويفه بحب ادعج العين محشوره
يعاني جفاً ما اعتاده ولا خطر في بال=قبل هالشهر ما ردد اواه من جوره
اتلى العلم به ماقيل للصوم شيف هلال=والاوضاع مرضيه والاحوال ميسوره
نديمي عديم ايضك في ساقه الخلخال=يرخي قرضة البرقع على مثل بندوره
وله منطقٍ يغري وله مبسمٍ قتال=عناب وبرد به عين مغليه مسحوره
ينوض وتتله في مقامه ردوف ثقال=خاصرته مابين الردف والكتف مهصوره
لو ان ابو بندر شافها مقفيه يهتال=لو انه يبا جده تيامن لمستوره
ولو شافها يوم اقبلت شامخه تختال=مثل المهره/اجل رحلته واختلف شوره