شبكة رواسي نجد الأدبية - عرض مشاركة واحدة

27-03-2018, 10:18 PM

الحال مامن حال والصـدر مجـروح
واهوم هامات اللـي بعيـدن نظرهـا
وراع الخطا لا ضقت ماهوب مسموح
كلمـه ... ولا بـده يثمـن خبرهـا
ان قالها الله تسمـع العلـم وتـروح
وتشوف بـراق السحـاب ومطرهـا
اما تجيب العلـم واضـح ومشـروح
والا فلا ترقـد .. وتامـن خطرهـا
المرجله ماهيب ضحكـات ومـزوح
وماكل رجـال يثمـن مهرهـا
اللي يسج الرجـل ويـدوج ويـروح
يشـوف فالدنيـا عجايـب بشرهـا
واللي يسوق الرجل من غير مصلوح
امـا جبرهـا جبـر والا كسـرهـا
شخصن يعيش وماله احساس وطموح
يمـوت مـاذاق الحيـاة وثمـرهـا

مبارك مناحي العمور

محمد الغنامي ,شرهة ,رحيل و 1 آخرون معجبون بهذا