شبكة رواسي نجد الأدبية - عرض مشاركة واحدة

28-12-2017, 07:33 PM

عز الله أني [ للوصل ] جيـت مشتـاق
شوق الغريب اليا سمع نوح ورقـا

جيتك وشوقك مزبن القلب لاضـاق
جيتك غلا وأصفى من الشهد وانقـا

جيتك قصيد وحب واحساس واشواق
جيتك أبي وصلً بالاحسـاس يرقـا

ياهاجسي واللي رفع سبع الاطبـاق
واحيا هشيمً مـن سحـابً وبرقـا

انك [بعيني] فـوق هامـات الآفـاق
مالك شريـكً .. لا شمـالً وشرقـا

حبـك بدمـي بالشراييـن ينسـاق
وغلاك ثابت داخلـي بكـل عرقـا

لك في خفوقي دار و رصروح واشراق
وبناظري وصفك علـى كـل طرقـا

يوم المفارق طعنةٍ وسط الاعماق
رمحك زرقته بين الاضلاع زرقا

أثر الصبر لازاد بالصدر مايطاق
يحرق شرايين المعاليق حرقا

وأثري حصيلة كل مخلص وصّداق
جزى الوفا .. جرح وتنكّر وفرقا

محمد الـفراج ,ملكة الرواسي ,محمد الغنامي معجبون بهذا