احفظ دبشك اللي عن الناس مغنيك=اللي اليا بان الخلـل فيـك يرفـاك

العي عي لين يبلشك وهو عي=فإلى بلش وابلشك كب المعايا

اوف الرجـل حقوقها قبل تاتيك=لاتوفيه بالقـول بالحـق تقفـاك

ماخبرت الحرمل وخذ منه مسواك=ولاقد جني حلو الثمر من حباجه

من لا تعب قبل حل الشيب=دروب المشاكيل فاتنه
ومن مات ماادرك علوم الطيب=عميت عيونٍ ينوحنه

ترى الشرف ماهوب بالخال والأبو=ولا بحسن الوجه والتصميم
ولا التطاول بالنسب ترفع الرتب=لاصرت في كل الامور غشيم

شكواك للى ما يثمن كلامك =دمعة يتيمٍ من عيونه ذرفها
وإذا أحترمت الناس زاد أحترامك=والناس عز إنفوسها من شرفها

الطير لولا كمشة الريش ما هد=لوهد كبيدي الحرار البتيعات
والسيف لولا خمس الاصابع ماقد=لاصار وحده ماشفى القلب باهوات

تخير بالنسب قبل المناسب=ترى بنت الرجال لها رجال
إلى جت عدلةٍ والحظ طيب=نما معروفهم وانموا عيال

ترى شور من لا يستشيرونه الملا=شمعة نهارٍ في ضيا الشمس ذايبه

يا ليتنا من حجنا سالمينا=كان الذنوب اللي علينا خفيفات
رحنا نبي نقضي ديونٍ علينا=وجينا علينا مثلها عر مرات

إلى بلاك الله بعاقه من مقاريد الرفاقه=لاتوريه الحماقه لين ربك يقلعه

الطيب ما نستكثره من هل الطيب=اللي لهم في ماكر الطيب خبره
أوسع عليهم من روضة اشعيب=واضيق على الانذال من ثقب الإبره

لا واخسارة يافرح بعض الأولاد=إلى بشروا بعض الرجال أبوليده
تلقاه في درب المناقيد ينقاد=ويملاء لبوه من الفضايح جريده

أنشهد أن بعض الرياجيل دنفوس=يجذب لنفسه من بعيدٍ دنسها
غادٍ على النمات والكذب جاسوس=والكلمه اللى في صوابٍ عكسها

ومن لا تعب في قولة اهلا ومرحبا=والله ليالقـى قـلـة الترحـيـب

كل يعود لاصل جده ومرباه=راع الشرف يشرف والانذال يهبون

كل ٍ يقول ابوي و يقـول جـدي=ويعد نفسه خالـد بـن الوليـدي
لا صار مانته بالمواقـف تعـدي=ذكر القبور الفانيـه مـا يفيـدي