من حل دار النـاس حلـوا ديـاره=لا بد مـا تسكـن بـلاده ويغبـن
ومن شق ستر الناس شقوا ستـاره=ومن ضحك بالثرمان يضحك بلاسن

إليا خاب ظني بلرفيق الموالي=مالي مشاريه على باقي الناس
ياجعل قصر مايجي له ظلالي=ينهد من عالي مبانيه للسـاس

كم واحدٍ له غايةٍ مـا هرجهـا=يكنها لوهـو للادنيـن محتـاج
يخاف من عوجاً طوال عوجهـا=هرجت قفا يركض بها كل هراج

أحد ينام وحط راسه بكمـه=وأحدٍ تخم النوم عينه وتخطيه
أحد يحاول بالردى بنت عمه=وأدٍ يحاول ستر عذرا عوانيه

يوم ولد الاش رزقه علـى أمـه=رزقي على اللي ميت القشع يحييه
ماني وأنـا بنـدر ببيـاع دمـه=يقطعك يا بياع دمـه وشاريـه
اللي يبيـع لا بسـات الأزمـه=يبغى مهر بيض الرعابيب يغبيه

ماني وانا بندر بهيتٍ ولد هيـت=هيت مقابـل خمّـةٍ يكرهونـه
من كثر ما جرّبت وأقبلت و أقفيت=قولة هلا من لا يـودّك مهونـة

ترى حلاة الخوي ليا طالت المـده=ماهوب نوب صديق ونوب قوماني
رفيقي اللي مصافيني على الشـده=وإلا الرخا واجد ربعي وصدقانـي

الأعمار ما يبقى بها مثل مامضى=والأيام م اللي فات منهـا بعايـد
نعـد الليالـي والليالـي تعدنـا=والعمر يفنـى والليالـي بزايـد

وابغى ثلاث منك من غير منه=الدين الأول والكرم والشجاعـه
والرجل لا من الثلاث أفختنـه=لا ينبغى قربه ولا به طماعـه

أنشهد أن بعض الرجاجيل دنفوس=يجذب لنفسه مـن بعيـد دنسهـا
غادٍ على النمات والكذب جاسوس=والكلمه اللي في صولب ٍ عكسها

الطيب ما نستكثره من هـل الطيـب=اللي لهم في ماكـر الطيـب خبـره
أوسع على الاجواد من روضة أشعيب=واضيق على الانذال من ثقب اللإبره

قوم اليا جيتها صكـت حواجبهـا=وأبدت لي البغض في مقفاي واقبالي
وقوم اليا جيتهـا رفـت شواربهـا=بالضحك وقلوبها فيها الردا كالـي

والروح وش عذرها في ترك واجبها=راح الحسب والنسب في جمع الاموال

المال يحيي رجال لاحيـاة ابهـا=كا السيل يحيي الهشيم الدمدم البالي

عز الفتى راس ماله من مكاسبها=يامرتضي الهون لا عز ولا مالي

يدلك على الرجـال هرجـه اليا هرج=ويدلك على نيـات قلبـه حركـاتـه

لعلني دايم على ما يضنون=اهل الوفاء واهل الوجيه السفيرة
لو انهم عن الخفايا ما يدرون=يدري بي اللى عالم بالسريره

فتـى بلا عزم حياتـه مذله=والعزم لقلوب الرجال طبيب
ومن لا صبر بالعسر ما ذاق يسرها=وباب الفرج للصابرين قريب

ودنا بالطيب بس الزمن جحاد طيب =كل ما تخلص مع الناس كنك تغشها
يدك لامدة وفا لا تحرى وش تجيب=كان جاتك سالمه حب يدك وخشها

ان ساعفت دنياك بالحال والمال=تحمد الوالـي وباعـد قرينـك
ون كان بك عدلات الايام ميال=تمسي مقل وغلمة ضاهدينـك

الاجـواد ون قاربتهـم ماتملهـم=والانذال ون قاربتهم عفت مابهـا
الاجواد ون قالوا حديث وفوا بـه=والانذال منطوق الحكايا اكذابهـا
الاجواد مثل العد من ورده ارتوى=والانذال لاتسقي ولاينسقـا بهـا

العشرة اللي ماتوثق علـى سـاس=تطيح لو صارت حصون طويلـه
صبرت صبر صابني منه وسواس=صبر له النفـس العزيـزة ذليلـه
من يتبع المقفي مـرده للافـلاس=مثل الذي بالقيض يدفـق صميلـه

اللي يتيه الليل يرجي النهارا=واللي يتيه القايلة من يقديـه