المشاركة الأصلية كتبت بواسطة ريوف

النفس عافت...

قـد لـي ثـلاث سـنين وا نـا اتـحرّاك
واقــول يـمـكن حـبـل شـوقك يـشدّك

عـيـني هـنا تـرجـيك وعـيـونك هـناك
مــدري عـلام الـقلب يـنشدك ودّك !

أَزرع ورود الـشـوق والـقصد مـلقاك
واحـصد مـن الـجفْوه عناقيد صدّك

تـحسب قـلوب الـنّاس بيدينك أملاك
وان الـغـلا تـكـسبه بـكـفوف يـدّك !

مـقساك ياللي تدّعي الحبّ مقساك
مـحدن جـرحني بـين هـالنّاس قـدّك

حـاولت اصـارحني واودّعك وانساك
مـير... الـحنين الـلي بـقلبي يـردّك

لـيتك عـلى قـدّ الـوفا تـفهم أَخْـطاَك
وان الـصّـبر أعـيْـت حــدوده تـحدّك

كـلمة جـفا بـابني بـها قصر منفاك
وسـط الـبحر.. تـفرح بـجزرك ومدّك

وفّـــر سـوالـيـفك ولاتـــزوّد احــكـاك
وارحــل بـدون شـعور إن كـان ودّك

هـــذي الـمـشـاعر بـررتـهـا سـوايـاك
الـنفس عـافت .. مـن فـعولك وكـدّك

ياقلب ..خلّ إللي لِياَ احتجت خلّاك
أكـرم حـضوره ..بس لا تبيح سدّك

سـكّـر شـبـابيكك ولا تـزيـد شـكواك
لـنّـه عقب هاليوم بـيصير ضـدّك
'
'
#ريوف_القوافي