يا النايمين الخالدين الخواشيع=يا الساذجين الضايعين الجياعي
ما ينفع النايم كثير المضاجيع=ولا ينطح القاله قصير الذراعي
ولا يقطع البيداء قليل المراميع=اللاش ما يرفع عمود الشراعي
الخوف تدلج به رقومٍ بواتيع=نطاحة الواجب نهار النزاعي
الصاملين الغانمين القواطيع=لا ضيع الحجه ضعيف المساعي
لا ضاعوا اللي باللوازم كراسيع=اهل الحلوق المزعجات الوساعي
والالسن اللي بالمقفي لواسيع=شذابة المقفي على غير داعي
سراب قيضٍ في حزومٍ بلاقيع=في مهمهن خالي قليل المتاعي

يا عيد جزلات القصايد رواكيع=في جوف قبرٍ كان للشعر راعي..
الوسم وسمه والبناء والمطاليع=ما باقي الا اسمه عليها يذاعي..
بيدٍ من سمان المعاني مرابيع=ترتع بها نوق المشاعر جياعي..