شـّباك المحبّـه
السلام عليكم ورحمه وبركاته
وصباح الخير على الجميع اعتذر في البدايه عن انقطاعي وعدم التواصل في المنتدى وصافحكم بهذه المتواضعه وهي من أعمالي القادمه بحول الله مع المنشد / راشد عبد الرحمن ومن الحان / خالد عبد الرحمن ( لحن أغنيه الذاهبه ) ومن انتاج : مؤسسه أبعاد الفنون الاعلاميه غن يا راشد بصوتك وانشد أبيات القصيده=غنها باحساسك اللي بالعذوبه مكتسيها علي آل حسن العلويقال من هو علق آماله على الريم الفريده =قصتي والحبر من ناب القلم تو ابتديها من شريط الذاكره بسترجع الماضي وعيده=وورد القصه بكل احداثها وما تحتويها قصتن في طيها بسرد تفاصيلن عديده=وسرج اخيول المعاني بالقوافي وامتطيها عشتها والذكريات الخالده تبقى سعيده=الوفا عنوانها واجمل سنين العمر فيها كان شباك المحبه همزة الوصل الوحيده=والوله كل من دعاني قمت اناظر وحتريها اذكر اني كل ما ناظرت والبسمه شهيده=ناظرتني من ورى الشباك والطرحه عليها والمشاعر والعواطف وجمل اوقاتي الرغيده=واصدق الاحساس من حبي لها ينساق إليها تشرح الصدر وهمومه ببتسامتها تبيده=والعيون امن الوله اليا ضمتها ترتجيها والجمال اليوسيفي اكبر معدل في رصيده=ما على الخافق ملامه لو بروحه يفتيديها الخفوق اللي يطير امن الفرح ويعود عيده=الله اعلم وش كثر هو من حلاها مهتويها لو نترجم بالقوافي عن سجاياها الحميده =لو جمعنا مجمل الاوصاف فيها ما تفيها حبها يسري مع الخفاق في مجرى وريده =وان ضمت عيني للحظه بالنظر جت ترتويها* لكن الدنيا رحاها ايدور والازمه شديده =قفت وعيني تناظرها وهي مع والديها لوحت لي بيدها والوقت وظروفه عنيده=ونسكب دمعن وغصات الموادع تعتريها والوداع اللي يولد فالحشا نارن وقيده =كل ما ذقته سريت ابليلن اسود مقتفيها العزا للشاعر اللي ظلت آماله بعيده=من بعد ما شحت الدنيا بما تملك يديها آه والجرح التهابه ما نفع فيني ضميده=آه والقصه تعذبني إذا جيت انتهيها لكن الله يجبر ابقلب المتيم في فقيده=ورجي المولى بإسمه يحفظ ويستر عليها الله اللي راد ولحكمه قضى امرن يريده=حكمة المولى تعالى واجب إنّـا نرتضيها |
الله الله
ياسلام عليك وصح الله لسانك على هالمعلقه الكايفه مدد بلا عدد ابداع وجزاله الى مال نهايه دمت ودام مداد قلمك ورقي حرفك الشامخ تقديري وتقييمي لسموك النجلاء |
الله يرضى عليك يا اخت نجلاء
وصح بدنك والله لا يهينك هذه شهادة اعتز فيها تقبلي وردي وخالص ودي وفقك الله |
صح لسانك ملايييين
لا هنت شاعرنا نص راقي برقيك يعطيك العافية |
مرحبا يا أخت ملكه
الله يرضى عليك صح بدنك تقبلي وردي وخالص ودي وفقك الله |
قصيده جزله
وأبيآت قمة الروعه والجمال صح لسآنك علي العلوي ويعطيك العافيه على هالرآئعه وين الختم. باختمها بالنيآبه عن العواد هههههه تستآهل الختم |
مرحبا بك يا اخت الجوهره
الله يرضى عليك .. وعلى كلامك الطيب صح بدنك ولا هنتي شهاده اعتز بها منك تقبلي وردي وخالص ودي وفقك الله |
نعم قصيده تستحق ختم التميز وانا نسيت امس اختمها
تم ختم القصيده لروعتها تستاهل شاعرنا |
الساعة الآن 07:30 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir