يابو جزاء علم اللي ضاع عن دربه=يفطن ويحرص ترى الايام دواره
من ضاع مايهتني زاده ولا شربه=ولايهتني بالمنام ان طال مشواره
لكن قله وفعل الخير توجر به=والخير مايفعله من يحجب ستاره
ويالضيف ماتقدره بامكانك اشهربه=يالضيف تكتك بخبراتك على الغاره
الناس تمشي الخطاء ولا تصوربه=النفس معروفةٍ بالسوء وماره
ويابو جزاء العلم عن طولاته اقصربه=ولا يترك الضايع الا من ترك عاره
والهيس الاربد عوينه نافخٍ ذربه=ضايع ومنه الملا يالضيف محتاره
هو يحسب انه دليلة عرب في عربه=هو يحسب ان العقول تشادي الطاره
العدل لوطالت الايام نظهر به=ومن ينتصر عقب ميله يرفع شعاره
وتسلم يمين اللذي يعلن ويبحربه=والحر يابو جزاء تكفيه الاشاره
واللي يغوص البحور الحق يشعربه=وياطيب الصيت صيتك شاعت أذكاره
والطيب يابو جزاء يذكر وتذكربه=ومن طيب ساسك وراسك معتلٍ كاره
وعلى شعارٍ تشيل الشكر تشكربه=واليوم شكر العتيبي سر وجهاره
ويابو جزاء علم اللي ضاع عن دربه=يفطن ويحرص ترى الايام دواره